卡將 (阿母),汝e這雙手 (陳東榮)

~~ 敬獻給我2013年安息的母親 ~~

草地的暗暝,霧霧的燈火,紅囝的我,汝的雙手,惜惜抱著我,乖玲仔,免驚,卡將佇這。

庴前的灰庭,硬硬的土腳,仆倒的我,汝的雙手,將我牽起來,阿憲仔,勇敢,繼續擱行。

傷心的情書,無情的字句,失戀的我,汝的雙手,將我扶條條,阿榮仔,嘜哭,擱找就有。

額頭的冰袋,嘴內的度針,破病的我,汝的雙手,飼我吃薑汁,阿清仔,緊好,欲飲著講。

烘爐的炭火,鼎中的蛋包,補習的我,汝的雙手,替我煮點心,阿吉仔,緊吃 ,吃飽去睏。

鬧熱的鑼聲,結彩的門口,出嫁的我,汝的雙手,牽著我的手,阿琴仔,緊去,做人好某。

床頂的卡將,已經九十一,虛弱的汝,汝的雙手,猶原牽著我,

卡將仔,多謝,一切攏靠汝的這雙手。

卡將仔,多謝,一切攏靠汝的這雙手。

註:
1.卡將Ka-Jiang ( かあちゃん) 在日本時代的台灣,小孩對母親的日語暱稱。

2.灰庭:農家前庭由石灰或水泥舖成,一般農人用來曬稻榖、菜乾的場所。

(作者為美國台僑)0510

Facebook Comments